A prepaus de Cartes

A prepaus

Ont es desvolopat Cartes ?

A l'origina a Rènnas, en Bretanha, amb l'idèa que devèm daissar de dependre d'interèsses estrangièrs per nòstres servicis de basa, e las mapas de nòstra vida vidanta ne fan partida. En retorn, dependèm e contribuissèm als bens comuns internacionals : OpenStreetMap, Wikimedia, Panoramax, etc.

L'encastre de desvolopament de Cartes.app èra doncas francés, amb una prioritat iniciala per la part occidentala de la França metropolitana e puèi per França en general. Coma legissètz aquò en occitan, aquò significa que sèm anats pus luènh ;)

Qual desvolopa Cartes ?

Lo desvolopaire principal es Maël Thomas-Quillévéré. Fòrça autres contributors actius melhoran de contunh lo projècte sus Codeberg: Étienne, Philippe, etc.

Descobrissètz lo trabalh en cors sus nòstra documentacion.

A qui aparten lo nom de domeni cartes.app e la proprietat intellectuala del projècte ?

L'entrepresa francesa nomenada Menoz. Las mencions legalas se pòdon consultar sul repertòri oficial de las entrepresas a aquesta adreça e son pas reproduchas aicí conformament al principi « digatz-nos-o un sol còp ».

Ont es albergat Cartes ?

Lo site web e lo servidor (teulas, transpòrts publics, ciclisme, etc.) son albergats per Scaleway en 🇫🇷 França. Scaleway nos a balhat de subvencions d'aviada gratuitas e repetidas per cobrir las despensas de servidor 🙏.

Cossí accedir a Cartes.app

Cartes.app es un servici web al qual podètz accedir dirèctament dempuèi vòstre navigador. Per ara, es pas previst de publicar una aplicacion mobila, perque ne desvolopar una demandariá un esfòrç important, un manteniment de contunh, e lo respècte de las nombrosas exigéncias impausadas per las botigas d'aplicacions. (Mai d'informacions dins aqueste ticket).

Ne saber mai

Per anar mai luènh, legissètz nòstra presentacion complèta. Per comprendre cossí fonciona cartes.app en intèrne, donatz un còp d'uèlh a la pagina del revèrs.

Contacte

✉️ Per nos contactar podètz :

• Utilizar lo ret Matrix : matrix channel, Maël
• Nos seguir e contactar sus Bluesky @cartes.app

A prepaus de vòstras donadas...

Consultatz nòstra pagina vida privada.